Premier League akuzoi Cityn për më shumë se 100 shkelje të rregullave të tij financiare të hënën.
Një ndalim dy-vjeçar nga garat evropiane për shkeljen e rregulloreve të Fair Play Financiar të UEFA-s (FFP) u anulua nga Gjykata e Arbitrazhit Sportiv (Cas) në vitin 2020.
Trajneri i Man Cityt, Pep Guardiola thotë se ata janë të pafajshëm.
“Klubi dëshmoi se ata ishin plotësisht të pafajshëm. Ajo që ka ndodhur që nga e hëna është e njëjtë me atë që ndodhi me Uefa-n. Ne jemi dënuar tashmë. Duhet të kuptoni që 19 skuadra në Premier League po na akuzojnë.Ne jemi me fat që jetojmë në një vend të mrekullueshëm ku të gjithë janë të pafajshëm derisa të provohet faji.
Nuk e patëm këtë mundësi, tashmë jemi dënuar. Jam plotësisht i bindur se do të jemi të pafajshëm”, ka deklaruar Pep Guardiola.
Premier League i ka referuar Cityt një komisioni të pavarur për shkeljet e supozuara të rregullave midis 2009 dhe 2018, kohë gjatë së cilës klubi fitoi tre nga gjashtë titujt e Premier League.
Ai gjithashtu akuzoi Cityn për mosbashkëpunim që nga fillimi i hetimeve në dhjetor 2018.
Komisioni mund të vendosë dënime që variojnë nga gjoba dhe zbritja e pikëve deri te përjashtimi nga Premier League.
