image Gruaja që sot doli pozitive me koronavirus, kishte ardhur nga Italia dy javë më parë - Sinjali

Shëndetësi/ Gruaja që sot doli pozitive me koronavirus, kishte ardhur nga Italia dy javë më parë

news image

Grruaja e infektuar me koronavirus, kishte ardhur nga Italia në Kosovë më 1 mars, nëpërmjet Aeroportit Ndërkombëtar të Prishtinës “Adem Jashari”, shkruan Gazeta Sinjali.

Sipas njoftimit të Ministrisë së Shëndetësisë, 37 vjeçarja që është personi i pestë i prekur me koronavirus në Kosovës, kishte qëndruar në Brescia të Italisë, kurse ditën e parë të këtij muaji kishte ardhur në fshatin Bubavec të Komunës së Malishevës. /Gazeta Sinjali/

Njoftimi i Ministrisë së Shëndetësisë:

EDHE DY RASTE TË REJA TË KONFIRMUARA ME KORONAVIRUS!

Krahas tri rasteve pozitive të deritashme, sot pasdite me 14/03/2020 në Laboratorin e Mikrobiologjisë Molekulare në IKSHPK me RT PCR janë konfirmuar edhe dy raste të reja pozitive për virusin SARS-CoV-2: Një rast nga Stublla e Vitisë (kontakt i rastit të parë) i gjinisë mashkull 42 vjeç, dhe një rast 37 vjeç e gjinisë femërore, shtetase kosovare me qëndrim në Itali-Brescia, e cila ka ardhur në Kosovë me datë 01/03/2020 nëpërmjet Aeroportit Ndërkombëtar “Adem Jashari“. Vend qëndrimi i saj në Kosovë është fshati Bubavec, Komuna e Malishevës.

Instituti Kombëtar i Shëndetësisë Publike të Kosovës (IKSHPK) gjatë datës 14 mars 2020, ka marrë informatë nga Klinika Infektive e QKUK-së për gjashtëdhjetë e shtatë raste të dyshimta në COVID-19.

Nga data 08.02.2020 deri me 14.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 207 mostra të dyshimta në virusin SARS-CoV-2 dhe gjithsej pesë (5) prej tyre kanë rezultuar pozitive.
Nga data 01.02.2020 deri me 14.03.2020 në Aeroportin ndërkombëtar “Adem Jashari” si dhe në pikat tokësore kufitare janë depistuar gjithsej 7.326 udhëtarë. Në Aeroportin “Adem Jashari” 479 udhëtarë, Merdare 3.328, Vërmicë 2.488, Jarinje 564, Dheu i Bardhë 109, Hani i Elezit 77, Kullë 224, Qafë Morinë 35, Bërnjak 11, Qafë Prush 8, Muçibabë 2 dhe Glloboçicë 1 udhëtarë.


Shpërndaje artikullin