Sot në stacionin policor të Ferizajt është denoncuar një rast i dhunimit, që dyshohet të ketë ndodhur në rrugën “Sali Qeku”. Një grua ka raportuar se ka kryer marrëdhënie seksuale me një person, pa dëshirën e saj.
Burimet e Sinjalit brenda Prokurorisë kanë njoftuar se pas denoncimit të rastit, një patrullë e Policisë ka dalë në vendin e ngjarjes dhe e kanë shoqëruar viktimën në stacion për të marrë deklaratën e saj.
Viktima është intervistuar nga Njësia e Hetimeve Rajonale, ndërkohë që i dyshuari, sipas burimeve të Sinjalit nuk është identifikuar ende, por që dyshohet se është nga Komuna e Malishevës.
Prokurori kujdestar ka urdhëruar që rasti të iniciohet si “dhunim”, ndërkaq hetimet ta bëjnë identifikimin e të dyshuarit.
