Gjykata Themelore në Prishtinë ka bërë të ditur se ka aprovuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit  M.Z për shkak se i njëjti  për një kohë të caktuar kishte ushtruar dhunë fizike dhe psikike ndaj nënës dhe motrës së tij, shkruan Gazeta Sinjali.

Sipas Gjykatës Themelore, M.Z si pasojë e këtyre veprimeve u kishte shkaktuar atyre lëndime trupore, ndjenjën e frikës, ankthit dhe të pasigurisë për jetë.

Nisur nga kjo, Gjykata të dyshuarit M.Z i ka caktuar masën e paraburgimit në kohëzgjatje prej 1 muaji, i cili do të mbahet në Institutin e Psikiatrisë Forenzike, derisa t’i bëhet ekzaminimi psikiatrik.

Sipas vendimit, palët kanë të drejtë ankese kundër këtij vendimi në Gjykatën e Apelit të Kosovës. /Gazeta Sinjali/