Një person i kërkuar me urdhëresë të Gjykatës Themelore në Prishtinë – Dega në Drenas, është arrestuar dje nga njësia e urdhëresave të Stacionit Policor në Drenas.
Burime të besueshme nga strukturat e afërta me hetimin bëjnë me dije se bëhet fjalë për Hamit Morinën, i cili ishte në kërkim për vuajtje të një dënimi me burgim në kohëzgjatje prej 3 muaj e 15 ditësh.
Arrestimi i tij është bërë gjatë veprimeve operative të policisë për zbatimin e urdhëresës, të lëshuar nga Gjykata Themelore në Prishtinë – Dega Drenas.
Pas arrestimit, ai është dërguar në Qendrën e Paraburgimit në Hajvali për vuajtjen e dënimit.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
