Në vendin tonë nuk kalon pothuajse asnjë festë e Vitit të Ri ku nuk përdoren armët kinse për të festuar, por siç tregon e kaluara nga ky fenomen ka pasur edhe viktima të shumta, të cilat kanë pësuar lëndime trupore, e edhe prej atyre të cilët kanë humbur jetën si pasojë e plumbave qorr pikërisht në natën e Vitit të Ri, shkruan Gazeta Sinjali.
Personat të cilët gjuajnë me armë rrallë herë bien në prangat e policisë, mirëpo një rast i suksesshëm i zbulimit të të dyshuarve lidhur me këtë vepër ka ndodhur dje në Viti.
Burime të Gazetës Sinjali bëjnë të ditur se në rrugë është gjetur një gëzhojë, ku policia pas marrjes së informacionit ka arritur ta identifikojë të dyshuarin.
Burimet brenda policisë kanë bërë të ditur për Gazetën Sinjali se i dyshuari ka dorëzuar armën me gaz dhe 40 fishekë të së njëjtës armë.
