Festa me armë që bënë me 9 janar i “dërgoi” në stacionin policor në Ferizaj, tre persona të dyshuar për “Mbajtje në  pronësi , kontroll ose posedim i paautorizuar  i armëve” , raporton Gazeta Sinjali.

Ata dyshohen se kanë shtënë me armë zjarri në një aheng në fshatin Dremjak dhe kryerjen e kësaj vepre ata e kanë pranuar para hetuesve policorë.

“Pas një pune intenzive, hetuesit policor kanë arritur që të identifikojnë personat e dyshuar dhe sot me datë  20.01.2021 i  kanë  shoqëruar tre persona në  stacionin policor të  Ferizajt dhe pas intervistimt, ata kanë  pranuar se kishin shtënë  me armë gjatë një ahengu familjar”, njofton Policia.

Të arrestuarit janë:

1. J.B., 66-vjeçar nga Ferizaj, të cilit i është gjetur dhe konfiskuar një armë zjarri (pistoletë) me 9 fishekë;

2. R.J., 68-vjeçar nga Ferizaj, të cilit i është gjetur një armë zjarri dhe një armë me gaz me 20 fishekë.

3. G.Z., 68-vjeçar nga komuna e Lipjanit, të cilit i është gjetur dhe konfiskuar një pushkë gjuetie./GazetaSinjali/