Një aksident trafiku ka ndodhur sot në qytetin e Gjilanit, ku një veturë dhe një motoçikletë janë përplasur mes vete, shkruan Gazeta Sinjali.
Siç njofton sinjalizuesi i Sinjalit, aksidenti ka ndodhur rreth orës 13:30.
Nga ky aksident ka pësuar lëndime shoferi i motoçikletës, i cili është dërguar për ndihmë mjekësore.
Gazeta Sinjali ka kontaktuar edhe me Policinë e Kosovës dhe është në pritje të konfirmimit zyrtar.
