Arsenali raportohet se ka shprehur interesim për portierin e Barcelonës, Norberto Muraran, transmeton Sporti në Sinjali.

Sipas asaj që shkruan ‘Mundo Deportivo’, Arsenali po kërkon transferimin e tij gjatë afatit kalimtar të janarit.

Megjithatë, kjo lëvizje vështirë se mund të ndodhë, pasi që Neto do pranonte transferimin te Arsenali, nëse do t’i premtohej pozita e titullarit, teksa te skuadra londineze, Bernd Leno, shihet si i pazëvendësueshëm.

‘Topçinjët’ besohet se po kërkojnë transferimin e reprezentuesit brazilian si zëvendësuse të Lenos, pasi që portieri i dytë, Runar Alex Runarsson, nuk ka bindur drejtuesit e klubit nga Londra.

Sipas raportimeve, Arsenali do të pajtohej edhe me një marrëveshje huazimi për portierin e dytë të Barcelonës. /Sporti në Sinjali/.