Demokrat Medinaj, 29-vjeç, është gjetur i vdekur në deponinë e Fierit, raporton Top Channel.

29-vjeçari dyshohet se mbrëmjen e djeshme ka vrarë me thikë bashkëshorten e tij Irvana Hyka, 28-vjeç, në banesën ku jetonte në lagjen “Sheq i Madh” në Fier.

Ndërkohë policia njofton se trupi i pajetë i viktimës është gjetur rreth orës 10:20, në vendin e quajtur “Vija e ngjalës”, përcjell Gazeta Sinjali.

Ai ishte shpallur në kërkim pikërisht për vrasjen e bashkëshortes së tij.

Nga këqyrja paraprake e kufomës nuk janë konstatuar shenja dhune.

Trupi i viktimës është transportuar në morgun e spitalit për t’iu nënshtruar një ekspertize mjeko ligjore më të specializuar. Grupi hetimor po punon për zbardhjen e plotë të rrethanave të ngjarjes.

Demokrat Medinaj dhe Irvana Hyka lanë pas dy fëmijë të mitur, ndërsa familjarët kanë konfirmuar se gruaja tashmë e ndjerë, ishte në pritje të një fëmije tjetër pasi ishte 6 javësh shtatzënë./Gazeta Sinjali/