Dy persona që u raportuan të zhdukur në malet e Brezovicës janë gjetur para pak çastesh, raporton Gazeta Sinjali.

Ata janë gjetur në afërsi të fshatit Dubravë të komunës së Kaçanikut, ka konfirmuar për Gazetën Sinjali, Agim Gashi, zëdhënës në policinë rajonale të Ferizajt.

Gashi tha se të njëjtit janë në gjendje të mirë shëndetësore, përveç shqetësimeve që kanë pasur për shkak të terenit të panjohur.

“Janë gjetur para 15 minutave në afërsi të fshatit Dubrave- komuna e Kaçanikut. Gjendja shëndetësore e tyre është e mirë, përveç shqetësimeve pasi kanë qenë në teren të panjohur”, tha Gashi për Gazetën Sinjali.

Një mashkull dhe një femër ishin ndarë nga pjesa tjetër e grupit “Hiking”, dhe duke mos e njohur terrenin, ata kishin humbur. /Gazeta Sinjali/