Gigi Hadid ka thyer heshtjen e saj pasi u raportua se ajo është ndarë nga i dashuri i saj Zayn Malik, pas akuzave të nënës së saj Yolanda, se është sulmuar fizikisht nga ai.
Në një deklaratë të lëshuar të enjten, një përfaqësues për media i modeles 26 vjeçare, tha për E! News: “Gigi është e fokusuar vetëm tek më e mira për vajzën e saj Khai. Ajo kërkon privatësi gjatë kësaj kohe”.
Kjo vjen pasi u raportua nga revista People se ajo dhe Zayn, 28 vjeç, nuk janë më në lidhje, me një burim që tha: “Ata nuk janë bashkë tani. Megjithatë, të dy janë prindër të mirë”, shkruan DailyMail.
Tani pretendohet se ndarja e çiftit erdhi nga ‘tensioni’ i shkaktuar nga Zayn, i cili akuzoi Yolandën për zbulimin e lajmit të shtatzënisë së Gigit në vitin 2020, gjë që çoi në grindjen mes tyre.
