Lufta në Ukrainë, vrasjet e civilëve e shpërnguljet e ukrainasve në vende tjera, kosovarëve po ua rikthejnë në mend kujtimet e dhimbshme të luftës, 23 vjet më parë.
Teksa për Ukrainën po flitet për masakrën në Bucha, gjatë luftës së fundit në Kosovë u bënë shumë masakra nga forcat paramilitare serbe.
Ukrainasit tani e kosovarët gjatë luftës panë tmerret e luftës, teksa një krahasim i tillë është bërë edhe nga Daniel Smith në Twitter, i cili ka publikuar dy të rinj në masakra të ndryshme.
“Në fotografinë e parë është një i ri ukrainas, vullnetar që ndihmon në zhvarrosjen e kufomave nga varret masive në Masakrën e Buçës. Në foton e dytë është një i ri shqiptar në Kosovë, i mbijetuar nga Masakra e Reçakut. Shikoni fytyrat e tyre për të kuptuar tmerrin dhe vuajtjen”, ka shkruar ai.
