Mesfushori i Paris Saint-Germain, Idrissa Gueye thuhet se humbi fitoren 4-0 të skuadrës së tij kundër Montpellier të shtunën, sepse ai nuk donte të luante me një fanellë që kishte numrin e tij në ngjyrat e ylberit.
Lojtarët në të gjithë Francën mbanin fanella speciale gjatë fundjavës në një shprehje solidariteti për të shënuar ‘Ditën e ardhshme Ndërkombëtare Kundër Homofobisë, Bifobisë dhe Transfobisë’, të martën më 17 maj.
Por ish-lojtari i Everton dhe Aston Villa, Gueye, mungoi në ndeshje për atë që menaxheri i tij Mauricio Pochettino tha se “ishin arsye personale, por ai nuk është i lënduar”.
Tani, siç raportohet nga gazeta franceze RMC Sport, arsyeja e mos-pjesëmarrjes të Gueyes është se ai nuk donte të vishte një këmishë me ngjyra ylberi.
Gueye, 32 vjeç, është një mysliman i devotshëm dhe ai ndan rregullisht mesazhe rreth besimit të tij nëpër platformat e tij të mediave sociale.
Në disa vende islame, homoseksualiteti është i paligjshëm dhe madje dënohet me vdekje.
Në Senegalin vendas të Gueye, homoseksualiteti mund të rezultojë në pesë vjet burgim dhe martesa homoseksuale nuk është e ligjshme.
