Gjiganti spanjoll, Real Madrid do përballet me Mallorcan në kuadër të xhiros së gjashtë të Laligas, shkruan Sinjali Sport.
Los Blancos presin në “Santiago Bernabeu” të inkuadruarën në elitën e futbollit spanjoll nga ora 22:00.
Mbretërit kanë filluar mjaft mirë sezonin e ri, ku në pesë ndeshjet e para ka katër fitore e një barazim dhe nëse fiton sot i merr përsëri kreun rivalit të qytetit, Atleticos.
Në tjetrën anë, Mallorca po ashtu ka një start të mbarë, me tetë pikë në pozitën e dhjetë.
Carlo Ancelotti ka pushuar disa nga yjet duke i lënë në bankë si: Hazard, Casemiro, Modric e Vazquez.
Formacionet zyrtare janë publikuar:
Real Madrid: Courtois, Nacho, Militao, Alaba, Miguel, Valverde, Camavinga, Asensio, Rodrygo, Vinicius, Benzema.
Mallorca: Reina, Sastre, Valljent, Olivan, Costa, Battaglia, Baba, Rodriguez, Junior, Kubo, Mboula.
