Atletico Madrid dhe Real Madridi do të luajnë derbin e qytetit në kuadër të xhiros së 35-të në La Liga, transmeton Sinjali Sport.
Real Madridi tashmë është kampion i La Ligas dhe kjo ndeshje do të jetë më shumë për prestigj, teksa për Atletico Madridin kjo ndeshje është e një rëndësie mjaft të madhe në luftën për të përfunduar në katërshen e parë.
Djelmoshat e Simeones në pozitën e katërt me 61 pikë, tre më shumë se Real Betisi që ndodhet në pozitën e pestë me 58 pikë.
Është përfolur se Atletico Madrid mund t’i bëjë ‘gardën e nderit’ skuadrës rivale Real Madrid pasi këta të fundit fituan titullin e La Ligas, megjithatë Simeone i ka mohuar këto zëra, duke theksuar se ai e respekton klubin e Real Madrid, por ka më shumë respekt për tifozët e klubit të tij, pasi sipas tij kjo do të ishte mosrespektuese ndaj tifozëve të tij.
Formacionet zyrtare Atletico – Real Madrid:
Atletico Madrid: Oblak, Gimenez, Savic, Vrsaljko, Reinildo, Kondogbia, Koke, Llorente, Carrasco, Cunha, Correa.
Real Madrid: Lunin, Vasquez, Millitao, Vallejo, Nacho, Casemiro, Camavinga, Kroos, Asensio, Rodrygo, Mariano.
Përballja fillon nga ora 21:00.
