image “Festë kanabisi e kokaine” në Shkodër, policia arreston shpërndarësin, nën hetim dy blerësit
[wp-story id="814678"]

Shqipëri

“Festë kanabisi e kokaine” në Shkodër, policia arreston shpërndarësin, nën hetim dy blerësit

news image

Në Shkodër ka përfunduar operacioni policor i koduar “Ishulli”.

Nga ky operacion, i Seksionit të Hetimeve për Trafiqe të Plaigjshme dhe Narkotikë, në DVP Shkodër, mbeti i arrestuar një shtetas i Shqipërisë, ndërsa janë proceduar penalisht edhe dy të tjerë.

Policia shqiptare njofton, se janë sekuestruar dhjetëra doza të dyshuara narkotike cannabis sativa dhe një sasi lënde e dyshuar narkotike kokainë.

Specialistët e Seksionit për Hetimin e Trafiqeve të Paligjshme dhe Narkotikëve në DVP Shkodër, pas informacioneve të marra në rrugë operative se në ishullin e lumit Buna, në fshatin Zus, Shkodër, po organizohej një festë në ambient të hapur, gjatë së cilës po shpërndahej lëndë narkotike, menjëherë kanë organizuar punën dhe kanë finalizuar me sukses operacionin policor të koduar ”Ishulli”, në kuadër të të cilit u bë arrestimi në flagrancë i shtetasit:

-A. G., 19 vjeç, banues në lagjen “Guerrile”  Shkodër, për veprën penale “Prodhimi dhe shitja e narkotikëve”.

Në vijim të këtij operacioni u proceduan penalisht shtetasit:

-S. H., 24 vjeç, banues në lagjen “Guerrile” Shkodër dhe F. B., 27 vjeç, banues në Tiranë, për veprën penale “Prodhimi dhe shitja e narkotikëve”.

Si rezultat, u sekuestruan në cilësinë e provës materiale dhjetëra doza të dyshuara narkotike cannabis sativa dhe një sasi e vogël lënde e dyshuar narkotike kokainë.

Materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme.

/GazetaSinjali/