Këngëtari Luiz Ejlli pak ditë më parë ka filluar turin e tij të koncerteve në Amerikë ku dhe ndodhet prej disa ditësh tashmë.
Luizi ka performuar në disa vende, për fansat e tij të zjarrtë që e kanë pritur më së miri. Në një prej koncerteve, këngëtari është befasuar nga një fans, i cili ka hequr orën e tij Rolex nga dora për t’ia dhuruar atij, i cili në fillim insiston që të mos e mbajë.
E megjithatë fansi duket i sigurt, duke i thënë Luizit: Mbaje, mbaje!
Fansat e zjarrtë të këngëtarit kanë krijuar një atmosferë të paparë, duke brohoritur dhe kënduar bashkë me të.
