image Familja në SHBA e shpëton ariun në liqen me enën plastike në kokë

Botë

Familja në SHBA e shpëton ariun në liqen me enën plastike në kokë

news image

Një familje në Wisconsin në SHBA e ka shpëtuar një ari të vogël pasi i ishte mbërthyer në kokën e tij një enë plastike djathi. Tricia Hurt, burri i saj Brian dhe djali i tyre Brady ishin jashtë duke peshkuar në Liqenin Marsh-Miller të dielën kur ata hasën me një ari të zi të fustruar.

“Ne e dinim që nëse nuk do të bënim diçka, ishte mjaft e sigurt se ariu i vogël nuk do të kishte dalë në breg,” i tha Tricia Hurt CNN. ” Ai ishte duke fryrë dhe shfryrë, tha burri im.”

Familja doli pas ariut, dhe Brian  tentoi të tërhiqte objektin plastik, por kapja nuk rezultoi me sukses, gjithsesi ai e kuptoi se veshi i ariut ishte i lirshëm. Ata e zhvendosën varkën prapa dhe mbas një tërheqjeje të fundit, ariu ishte i lirë dhe notoi i sigurt drejt bregut.

Hurt tha se i tërë mundimi zgjati rreth pesë minuta.

“Ne ishim aq të ngazëllyer! Arritëm të bënim veprën tonë të mirë për atë ditë. Me gjasë nuk do ta bëjmë këtë përsëri, dhe u ndjemë mirë që ndihmuam ariun e gjorë. Nuk është e kënaqshme të shihni kafshët të mundohen“, tha Hurt.

Kur u kthyen në barin e resortit, fjala e veprimit të tyre të guximshëm tashmë ishte përhapur falë disa pushuesve që vëzhgonin nga bregu.

Never dreamt we would ever do this in our life time. Out on Marshmiller Lake yesterday with Brian Hurt and Brady Hurt when we spotted this poor bear. He made it to shore after all that.

Posted by Tricia Hurt on Sunday, June 28, 2020

Familja Hurts ka mësuar nga njerëzit në bar se ariu kishte tre a katër ditë që vraponte me objektin lastik  në kokë.

Departamenti i Burimeve Natyrore në Wisconsin ishte kontaktuar disa herë, por nuk kishte qenë në gjendje ta lokalizonte nga peizazhi rural, me pyje, tha Hurt.

“Ne nuk do ta publikonim videon”, tha Hurt. “Por ne donim që të gjithë ta dinin se ariu ishte në rregull”.

Që kur familja Hurt postoi videon e tyre  në Facebook të dielën, ajo ka mbledhur pothuajse 800,000 shikime. /Gazeta Sinjali