Sot brenda një makine në lagjen Suhodoll të Mitrovicës, ka eksploduar një mjet shpërthyes që dyshohet të jetë bombë dore, shkruan Gazeta Sinjali.
Dëshmitarë që ishin në vendin e ngjarjes, kur shpërtheu ky mjet, thanë për Sinjalin se bomba e dorës dyshohet se ishte vendosur në veturë, ku edhe ka shpërthyer.
Sipas këtyre dëshmitarëve, vetura është pronë e pronarit (emër i njohur për redaksinë) të një restoranti në këtë lagje.
Pronari është shqiptar, ndërsa vetura ku shpërtheu bomba e dorës ishte Pikap.
Sinjali do të ju mbajë të informuar për këtë rast.
