Gati tetë në dhjetë gra nuk e kontrollojnë veten rregullisht për shenja të kancerit të gjirit.
Një studim zbuloi se sa prej grave nuk gjejnë kohën për t’u vetë kontrolluar ndaj simptomave të kancerit të gjirit.
Thjesht harresa u shfaq si një arsye kryesore për 35 për qind, ndërsa të tjerët fajësuan mungesën e besimit (17 për qind) dhe frikën nga ajo që mund të gjenin (13 për qind).
Gjithashtu studimi zbuloi se 22 për qind e grave të moshës 50 vjeç e sipër janë shumë të zëna për të vënë në plan të parë shëndetin e gjirit.
Ky hulumtim është bërë me kërkesë nga kompanitë Estée Lauder në Mbretërinë e Bashkuar dhe Irlandë për të shënuar 30 vjetorin e Fushatës së Kancerit të Gjirit.
Dr. Zoe Williams, mjeke e përgjithshme dhe ambasadorja e Mbretërisë së Bashkuar dhe Irlandës për fushatën tha se:
“Unë dua që gratë të ndihen të fuqizuara për të folur për shëndetin e gjirit, duhet të jetë pjesë e rutinës suaj të kujdesit për veten dhe nuk duhet të kenë turp për gjinjtë.
“Megjithatë, unë e kuptoj se ka pengesa për vetëkontrollimin midis shumë komuniteteve dhe se ne duhet të flasim drejtpërdrejt me këto grupe në mënyrë që të gjithë të ndihen të sigurt për t’u vetëkontrolluar rregullisht”, u shpreh Williams.
“Hulumtimi tregoi se nga ato gra që kontrollojnë gjinjtë e tyre, gati një e treta (30 për qind) nuk janë në dijeni të shenjave dhe simptomave për t’u kujdesur.
“Nuk janë vetëm gunga, ka edhe shenja të tjera, të tilla si acarim ose gropëzim i lëkurës në gjoks ose lëkura e krisur në zonën e thithave. Nëse vëreni ndonjë ndryshim të pazakontë, është e rëndësishme të kontaktoni mjekun tuaj të përgjithshëm sa më shpejt të jetë e mundur”, vazhdoi ajo.
Studimi zbuloi gjithashtu se normat e vetëkontrollit janë më të ulëtat midis grave të Azisë Jugore, grave nën 40 vjeç dhe grave të zeza.
