Një ngjarje tragjike tronditi sonte Gjilanin, ku 50-vjeçari, Bakush Veseli mbeti i vrarë deri sa ishte në një kafiteri. Gazeta Sinjali më herët raportoi se Faton Osmani dhe Lirim Jakupi të cilët u përfolën në media si të dyshuar për ngjarjen, nuk janë ekzekutorët e 50-vjeçarit.
Sinjali nga burimet ka mësuar se Policia ka shoqëruar për në stacion, Faton Osmanin të cilin e kishte marrë nga shtëpia e tij në Gjilan.
Mirëpo, i njëjti i ka ofruar policisë si provë kamerat e shtëpisë së tij, nëpërmjet të cilave ai dëshmon se në kohën e vrasjes ai ka qenë në shtëpi.
Sinjali gjithashtu ka mësuar se i përfoluri tjetër si i dyshuar për ekzekutimin e Bakush Veselit, Lirim Jakupi ndodhet në Prishtinë.
