Këshilli Prokurorial i Kosovës të mërkurën ka votuar për Kryeprokuror të Shtetit, Blerim Isufajn. Lidhur me këtë votim të KPK-së, janë shprehur të pakënaqur shefi i BE-së në Kosovë, Tomas Szunyog si dhe ambasadori gjerman, Jorn Rohde.
Szunyog përmes një postimi në rrjetin social Twitter, ka thënë se është i zhgënjyer dhe i habitur për procesin e përzgjedhjes së Kryeprokurorit, raporton Gazeta Sinjali.
Ai ka thënë në vazhdimësi ka thirrur për një proces të drejtë dhe meritor, e që sipas tij KPK i ka shpërfillur këto parime.
“Me gjithë thirrjet e vazhdueshme të Bashkimit Evropian për të siguruar një përzgjedhje të drejtë, transparente dhe të bazuar në merita për Kryeprokuror të Shtetit, Këshilli Prokurorial i Kosovës e përmbylli procesin e përzgjedhjes duke shpërfillur këto parime. Jemi të habitur dhe të zhgënjyer me këto veprime të KPK-së”, është shprehur Szunyog, në një postim në Twitter.
Despite the EU's continued calls to ensure a fair, transparent and merit-based selection of Chief State Prosecutor, Kosovo Prosecutorial Council concluded the selection process disregarding these principles. Surprised & disappointed with the KPC’s actions.
— Ambassador Tomáš Szunyog (@EUAmbKS) April 6, 2022
E me këtë reagim të Szunyog është pajtuar edhe ambasadori gjerman, Jorn Rohde.
Rohde ka thënë po ashtu përmes Twitter, se kjo nuk është rruga që çon përpara Kosovën.
“Kjo është me të vërtetë zhgënjyese dhe jo rruga për të ecur përpara e Kosovës sidomos kur OJQ-të e njohura si Instituti i Kosovës për Drejtësi e GLPS kanë shprehur shqetësime të ngjashme”, ka shkruar ambasadori Rohde.
This is indeed dissapointing & not the way forward. Especially when also well known ???????? NGOs like https://t.co/5IpegehjrF Institute & GLPS have voiced similar concerns. https://t.co/uATMKP10oj
— Ambassador Jörn Rohde (@GermanAmbKOS) April 7, 2022
Ndryshe, KPK ka votuar unanimisht për Blerim Isufajn për Kryeprokuror të ri të Shtetit.
Isufaj nga KPK është propozuar për dekretim, tek presidentja e Republikës së Kosovës, Vjosa Osmani.
