Edhe Qipro ka regjistruar 12 raste të variantit të ri të koronavirusit, gjersa thuhet se rastet kanë ardhur nga Britania e Madhe, raporton Reuters, transmeton Gazeta Sinjali.
Qipro ka raportuar një rritje të dukshme të rasteve pozitive me koronavirus në tri javët e fundit, duke tejkaluar shifrat e 600 rasteve çdo ditë.
Po ashtu, që nga fillimi i pandemisë, Qipro ka regjistruar 23.445 të infektuar dhe 129 të vdekur nga COVID-19.
Varianti i ri i koronavirusit që tani po përhapet në tërë botën është gjetur në Britani duke u shpërndarë më pas në disa vende të ndryshme të Evropës.
