Më 9 prill rreth orës 21:37, në rrugën “Nëna Terezë” në Fushë Kosovë ka ndodhur një aksident trafiku, ku janë përfshirë një automjet dhe një këmbësor. Si pasojë e goditjes nga vetura, këmbësori 53 vjeç ka pësuar lëndime dhe më pas është dërguar në QKUK.
Burimet e Gazetës Sinjali brenda QKUK-së njoftojnë se viktima për shkak të lëndimeve të rënda ka ndërruar jetë sot në mëngjes.
Me vendim të prokurorit, trupi i pajetë i viktimës është dërguar për autopsi në Institutin e Mjekësisë Ligjore.
Siç mëson Sinjali, veturën që e ka shkaktuar aksidentin ka qenë duke e vozitur një grua (emër i njohur për redaksinë) dhe shkaku i aksidentit ka qenë mosrespektimi i përparësisë.
