Gazeta Sinjali mbrëmë ka raportuar për një ngjarje të rëndë që ka ndodhur në fshatin Jezerc të Ferizajt, ku një 39-vjeçar u gjet pa shenja jete pas disa orë kërkimesh nga familjarët dhe Policia.
Sinjali mëson detaje të reja lidhur me rastin, teksa burimet bëjnë të ditur se i ndjeri dyshohet t’i ketë dhënë fund jetës së tij. Policia në vendin e ngjarjes ka gjetur pranë trupit të pajetë një armë zjarri që dyshohet se u përdor në rast.
Të tronditur nga ajo që ka ndodhur, familjarët kanë bërë me dije se viktima tash e një kohë ishte në gjendje të rëndë emocionale dhe dje kishte dalë nga shtëpia në mesditë, për mos t’u kthyer më i gjallë.
Me urdhër të prokurorit, rasti është cilësuar ‘Vetëvrasje’ dhe trupi i pajetë i viktimës është dërguar në Institutin e Mjekësisë Ligjore për obduksion.
