image E përdhunoi për 20 vite vajzën e ish-gruas, burri dënohet me burg të përjetshëm në Amerikë

Botë

Botë/ E përdhunoi për 20 vite vajzën e ish-gruas, burri dënohet me burg të përjetshëm në Amerikë

news image

Një burrë nga Oklahoma, i cili përdhunoi për vite me radhë vajzën e ish- gruas së tij, që kur ajo ishte 12- vjeçe dhe më pas u arratis së bashku me të për në Meksikë, ku bënë së bashku 9 fëmijë, është dënuar me burgim të përjetshëm.

Henri Piette, 65-vjeçar, u dënua më burgim të përjetshëm, me akuzën për rrëmbim për plot 360 muaj. Por, gjithashtu ai akuzohet dhe për marrëdhënie seksuale me një të mitur. Ndërsa, burrit iu vendos një gjobë prej 50,000 mijë dollarësh, shkruajnë mediat e huaja.

Piette, u arrestua në Meksikë në shtator të 2017-sw, një vit pasi gruaja e tij, e cila njëkohësisht është dhe vajza e ish- gruas, u largua nga shtëpia me tetë nga nëntë fëmijët e tyre dhe kërkoi ndihmën e Ambasadës Amerikane në Meksikë, për të shpëtuar nga mizoritë e tij.

Në vitin 1997, ai e rrëmbeu vajzën, McGinnis, e cila asokohe ishte 12 vjeçe, nga shkolla e saj në Oklahoma në shenjë hakmarrje ndaj nënës së saj, me të cilën ishin dhe të martuar.

“Unë kurrë nuk kam përdhunuar ndonjë fëmijë. Unë thjesht kam bërë dashuri me gruan time. Ishim të martuar”, ka thënë ai para gjykatësve.

Megjithatë, McGinnis pretendon se ajo është abuzuar nga 65-vjeçari, një vit para se ai ta rrëmbente. Por, gruaja nuk i ka treguar për këtë gjë fëmijëve të saj, me qëllimin e vetëm që ata të mos e urrenin dhe ta konsideronin atë si një kafshë.

“Ata nuk e dinin. Unë e ruajta të vërtetën prej tyre derisa shpëtova na Meksika. Kur e mësuan ata u tronditën së tepërmi, sidomos fëmijët e mi më të rritur. Arsyeja që nuk i kam treguar ishte sepse ajo që unë vuaja brenda vetes sime, nuk dëshiroja të ishte vuajtje dhe për ta. Ata do të mbanin mëri babain e tyre dhe ai nga ana tjetër do t’i trajtonte shumë keq”, u shpreh gruaja./Gazeta Sinjali/