image Dzeko me një postim prekës përshëndet klubin dhe fansat e Romës

Futboll

Dzeko me një postim prekës përshëndet klubin dhe fansat e Romës

news image

Përmes rrjeteve të tij sociale, Edin Dzeko donte të përshëndeste tifozët e Romës pasi nënshkroi me Interin për dy vitet e ardhshme.

Sulmuesi boshnjak është emocionuar me largimin nga kryeqytetasit, pas një periudhe 6 vjeçare, ku ka pasur sfida të ndryshme.

Dzeko me Romën është paraqitur në 119 ndeshje, ku në dy vitet e fundit ka qenë edhe kapiten.

35-vjeçari me Giallorossin suksesin më të madh e kishte, kualifikimin deri në gjysmëfinale të Ligës së Kampionëve, ku rrugës në çerekfinale e eliminuan Barcelonën.

Postimi prekës i Dzekos, ku e shpreh lamtumirën ndaj ish klubit tashmë:

“Përshëndetje Roma, pas 6 vitesh është koha për të thënë lamtumirë.

Këto janë ditë në të cilat kam ndjenja të përziera, nga njëra anë jam ngarkuar për aventurën e re që më pret, nga ana tjetër ndjej një gungë të madhe në fyt për atë që po lë.

Unë e di shumë mirë se një falënderim i thjeshtë nuk mund të jetë i mjaftueshëm për të shpjeguar mirënjohjen time për tifozët verdhekuq, AS Roma dhe Qytetin e Përjetshëm.

Kam jetuar vite të jashtëzakonshme në kryeqytet që nuk do t’i harroj kurrë. Brenda dhe jashtë fushës. Sfidat në Serie A, Derby, netët e Ligës së Kampionëve, golat. Jam i nderuar që kam mbajtur shiritin e kapitenit dhe i kam bërë tifozët të gëzohen 119 herë, por në të njëjtën kohë më vjen keq që nuk u kam dhënë gëzimin e një trofeu të ngritur në qiell…

Për gjashtë vjet e kam veshur këtë fanellë me krenari, duke luftuar në fitore dhe humbje së bashku me shokët e skuadrës, trajnerët e mi, të gjithë ata që kanë bërë dhe janë pjesë e Klubit, së bashku me tifozët që janë pjesë themelore e asaj që ka qenë për mua … një familje.

Falënderoj të gjithë njerëzit që më ndihmuan mua dhe gruan time Amra në këtë aventurë të mrekullueshme dhe falënderoj këtë qytet që pa lindjen dhe rritjen e tre fëmijëve tanë.

Të gjithë do të keni një vend të veçantë në zemrën time përgjithmonë.

Faleminderit Roma “.

View this post on Instagram

A post shared by Edin Dzeko (@ed_dzeko)

/GazetaSinjaliSporti/