Prokuroria Themelore në Gjilan, përkatësisht Departamenti për Krime të Rënda, ka ngritur aktakuzë kundër të pandehurit B.B., për shkak se dyshohet që ka kryer veprën penale “keqpërdorim i pozitës apo autoritetit zyrtar”, shkruan Gazeta Sinjali.

Sipas njoftimit, i pandehuri gjatë vitit 2019, duke e shfrytëzuar pozitën e tij zyrtare si Drejtor në Drejtorinë për Urbanizëm, Planifikim dhe Mbrojtje të Mjedisit në Komunën e Gjilanit, nuk ka përmbushur detyrat e tij zyrtare.

Ai kundërligjshëm, duke e anashkaluar interesin e institucionit ka lëshuar dy leje ndërtimore për dy kompani ndërtimi.

Prokuroria me rastin e ngritjes së aktakuzës, i ka propozuar Gjykatës kompetente në Gjilan, që ta shpallë fajtor të pandehurin për këtë vepër penale dhe t’i shqiptojë edhe dënim plotësues, dhe ndalimin e ushtrimit të funksioneve në administratën publike ose në shërbim publik./Gazeta Sinjali/