Gjatë operacionit të pastrimit të borës në malin Papuk, punëtorët e shërbimit dimëror në Kroaci gjetën trupat e pajetë të dy personave.

Informacioni është konfirmuar për portalin “Pozega.eu” nga policia, të cilët po kryejnë një hetim në vendin e ngjarjes.

“Një hetim dhe kërkim i mëtejshëm i terrenit është duke u zhvilluar dhe të martën në mëngjes ne do të informojmë publikun në lidhje me rezultatet në një deklaratë” tha zëdhënësi i policisë Virovitica-Podravina, Josip Stajdohar.

Sipas informacioneve të para, dyshohet se bëhet fjalë për migrantë që u zunë nga të ftohtit dhe bora në Papuk, ku trashësia e saj arrin deri në gjysmë metri./Gazeta Sinjali/