Këngëtarja e njohur shqiptare me famë botërore, Dua Lipa, ka paralajmëruar albumin e ri duke iu referuar me emrin si “epoka e re”.
Këtë artistja e ka bërë përmes rrjeteve sociale, ku numëron miliona ndjekës, transmeton Gazeta Sinjali.
“Një epokë e re! Faleminderit të gjithëve për durimin. Shihemi së shpejti #DL2”, ka shkruar Lipa në mbishkrimin e fotografive të publikuara.
24-vjeçarja nuk ka dhënë detaje të tjera rreth albumit dhe mbetet të shihet se çfarë ka përgatitur ajo për publikun.
Kujtojmë se artistja pati lansuar albumin debutues në vitin 2017, i cili rezultoi të jetë tejet i suksesshëm./Gazeta Sinjali/
