Portieri 22 vjeçar në shkurt tashmë ka bërë 30 paraqitje për Kombëtaren e Italisë dhe është një nga portierët më të mirë në futbollin evropian.

Ai ka luajtur 251 ndeshje me Milanin, por tani pret që të largohet drejt Paris – Saint Germain.

“Shpresoj të luaj për aq kohë sa të jetë e mundur, deri në 40 vjet”, tha Donnarumma për faqen zyrtare të “Red Bull”. “Është pasioni im.”

“Qëllimi im është të fitoj sa më shumë trofe, veçanërisht me ekipin kombëtar italian. Ëndrra e pabesueshme është të fitosh Topin e Artë, unë do t’i jap të gjitha, pastaj do të shohim se çfarë do të ndodhë. “

Donnarumma largohet nga Milani kur kontrata e tij skadon këtë javë dhe do të bashkohet me Paris Saint-Germain pas Euro 2020. /Gazeta Sinjali Sporti/