Policia e Shtetit në Shqipëri ka arrestuar një 50-vjeçar në Durrës pasi po tentonte të shiste katër mina me telekomandë kundrejt çmimit 10 mijë euro.

Shërbimet e Policisë e kanë ndaluar të dyshuarin në Ishëm dhe gjatë kontrollit fizik i gjetën dhe sekuestruan në cilësinë e provës materiale 4 mina me telekomandë të lidhura me aparat celular.

Arrestimi i 50-vjeçarit, banues në fshatin Larushk të Fushë Krujës u bë në kuadër të operacionit policor të koduar “Furnitori”.

Në bashkëpunim me Prokurorinë e Rrethit Gjyqësor Durrës, vijon puna për identifikimin dhe kapjen e personave të tjerë të përfshirë në këtë veprimtari kriminale.

Materialet i kaluan Prokurorisë së Rrethit Gjyqësor Durrës, për veprime të mëtejshme./Gazeta Sinjali/