image Disa persona rrahin keq një të mitur në Suharekë, Policia vihet në kërkim të të dyshuarve
[wp-story id="814678"]

Siguri

Disa persona rrahin keq një të mitur në Suharekë, Policia vihet në kërkim të të dyshuarve

news image

Përleshjet mes të rinjve tashmë janë bërë të zakonshme në vendin tonë. Pothuajse çdo ditë raportohet për sherre të ndryshme, motivet e të cilave shpesh dalin të jenë banale. Për një rast të tillë që ka ndodhur në Suharekë, Prokuroria ka nisur hetimet, raporton Sinjali.

Sinjali mëson se e gjithë ngjarja ka ndodhur dje në afërsi të varrezave të dëshmorëve në Suharekë, ku disa persona dyshohen se kanë sulmuar fizikisht një të mitur.

Burimet e Gazetës Sinjali brenda Emergjencës së Qendrës Kryesore të Mjekësisë Familjare në Suharekë kanë bërë me dije se 17-vjeçari është dërguar atje me lëndime trupore dhe të njëjtit i është ofruar tretman mjekësor.

Ndërkohë lidhur me rastin është njoftuar edhe Policia e Kosovës , të cilët kanë dalë në vendin e ngjarjes dhe kanë intervistuar viktimën. Bazuar në dëshminë e tij, atë e kanë sulmuar disa persona të panjohur, mirëpo njërin nga ta e ka identifikuar me emër meqë e njeh që më parë.

Janë marrë të gjitha veprimet hetimore që ndihmojnë në zbardhjen e rrethanave të rastit si dhe çojnë në identifikimin dhe kapjen e të dyshuarve.

Me urdhër të prokurorit, rasti është iniciuar ‘Lëndim i lehtë trupor’, ndërsa veprimet tjera ligjore do merren posa të kapen të dyshuarit.

/GazetaSinjali/