Ukraina e ka shtyrë përpara formulën e saj të paqes për t’i dhënë fund luftës gati dyvjeçare me Rusinë me një takim të këshilltarëve të sigurisë kombëtare nga e gjithë bota të dielën në Davos të Zvicrës.
Presidenti ukrainas Volodymyr Zelensky, i cili është planifikuar të flasë në Forumin Ekonomik Botëror (WEF) në Davos më vonë gjatë javës, nuk ishte në sesionin hapës të mëngjesit, i cili përfshinte 81 pjesëmarrës nga vende dhe organizata ndërkombëtare.
Zelensky u përfaqësua nga shefi i tij i shtabit Andriy Yermak në bisedimet e së dielës, ku morën pjesë edhe SHBA. Përfaqësuesja speciale për Rimëkëmbjen Ekonomike të Ukrainës Penny Pritzker, si dhe James O’Brien, Ndihmëssekretari amerikan i Shtetit për Çështjet Evropiane dhe Euroaziatike, raporton Reuters.
Ndërsa shqetësimet rriten për vazhdimin e mbështetjes amerikane për luftën në Ukrainë gjatë një viti zgjedhor, Këshilltari i Sigurisë Kombëtare Jake Sullivan dhe Sekretari i Shtetit Antony Blinken pritet që të dy t’i drejtohen këtij forumi, i cili zyrtarisht fillon të hënën në mbrëmje.
