Një veturë në rrugën “Bedri Pejani” në Vushtrri është përfshirë nga zjarri në rrethana të panjohura, të hënën rreth orës 02:30 pas mesnate, raporton Gazeta Sinjali.

Burime të Gazetës Sinjali brenda prokurorisë kanë bërë të ditur se pronari i veturës ka thënë se vlera e saj është rreth 9 mijë euro.

Këto burime bëjnë të ditur se si pasojë e zjarrit janë dëmtuar pjesërisht edhe dy vetura të tjera që kanë qenë të parkuara aty afër.

Në vendin e ngjarjes kanë dalë zjarrfikësit që e kanë bërë lokalizimin e zjarrit, eksperti i zjarrit dhe policia, të cilët po merren me hetimin e rrethanave të rastit./Gazeta Sinjali/