Ndaj një kosovari në Gjermani është ngritur aktakuzë pas dyshimeve për falsifikim të vulave të pasaportave.
Sipas mediumit “Haz.de”, Shefqet H kishte falsifikuar vulat e pasaportave për njerëz të cilët trafikonin drogë në Gjermani, e të cilët kryesisht ishin shqiptarë.
Tani prokuroria në Hanover ka ngritur aktakuza kundër kosovarit i njohur si “ambasadori”, të cilit në shtëpi i ishte gjetur puntoria e falsifikimit.
“Ambasadori” këtë veprimtari ilegale e kishte zhvilluar që nga viti 2017, e që besohet se për një vulë ishte paguar së paku 500 euro.
Shefet H nuk ishte hetuar nga autoritetet gjermane deri sa inspektorët zbuluan se vulat e pasaportave ishin të vjetëruar, pasi që nuk përdoreshin më nga autoritetet zyrtare.
Deri më tani data e gjykimit për kosovarin nuk është caktuar ende.
