Të shtunën do të zhvillohet xhiroja e 12-të në Superligën e Femrave, ku derbi do të zhvillohet ndërmjet Mabetex Prishtinës dhe Bashkimit.

Bashkimi nuk ka pësuar asnjë humbje (11 fitore) në stinorin pranveror, derisa vashat prishtinase kanë pësuar vetëm dy humbje, pikërisht nga skuadra prizrenase.

Këto dy skuadra së fundi u ballafaquan edhe në finale të Kupës, ku fitoi Bashkimi. Takimi i së shtunës pritet të jetë shumë interesant.

Në takimet tjera, Penza do të përballet me Trepçën, ku vashat pejane kanë shtatë fitore dhe katër humbje, kurse vashat mitrovicase katër fitore dhe shtatë humbje.

Në ndeshjen tjetër, Kastrioti që ka dy fitore dhe nëntë humbje do të ndeshet me Vëllaznimin, që nuk di për fitore në këtë edicion, duke numëruar 11 humbje./Gazeta Sinjali/

Superliga e Femrave – Java 12

E shtunë

11:0 0 Kastrioti-Vëllaznimi

14:30 Penza-Trepça

19:00 Mabetex Prishtina-Bashkimi