Bashkimi i Sindikatave të Pavarura të Kosovës ka paralajmëruar se sot do të zhvillojnë një protestë e cila si kërkesë ka rritjen e pagave, zbatimin e Ligjit për sigurimin shëndetësor, si dhe ndryshim-plotësimin e Ligjit për skemat pensionale.
Protesta do të fillojë në ora 11:30 ndërsa nisja bëhet nga Biblioteka Kombëtare pastaj vazhdohet te Hotel Grand dhe përfundohet para objektit të Qeverisë.
Që protesta të mbahet sot, u vendos tre ditë më parë nga përfaqësuesit e federatave sindikale në kuadër të Bashkimit të Sindikatave të Pavarura të Kosovës.
