Cilësia e dobët që përdorët për asfaltimin e rrugëve në Kosovë po vazhdon të jetë një ndër problemet kryesore për vozitësit në vend. Gropat e panumërta që nuk rregullohet nga kompanitë kontraktuese dhe lihen në atë gjendje për kohë të gjata po shkaktojnë probleme te ta, raporton Gazeta Sinjali.
Një rast i njëjtë ka të bëjë edhe në rrugën Gjakovë-Novosellë. Një sinjalizues i ka thënë sot Gazetës Sinjali se tash e disa muaj në këtë nuk ka asnjë intervenim nga komuna.
Siç raporton ky burim, tashmë kjo rrugë është në dëmtim të plotë.
Po ashtu, shton se e njëjta përdoret vazhdimisht nga shumë banorë, pasi ajo lidhë edhe lagjen “Dardani”.
Rrugët e dëmtuara nuk janë problem vetëm për vozitësit e veturave, ato shkaktojnë telashe edhe për këmbësorët që sa herë përkeqësohet moti dhe me të kaluar një veturë aty spërkalat nga gropat bien mbi rrobat e tyre.
