image Demantohet Shërbimi Korrektues, avokati Huruglica dokumenton se numri në telefonin Nokia nuk ishte aktiv - Sinjali

Demantohet Shërbimi Korrektues, avokati Huruglica dokumenton se numri në telefonin Nokia nuk ishte aktiv

news image

Sot Shërbimi Korrektues i Kosovës njoftoi se ka arritur të parandalojë futjen e kontrabandës brenda Qendrës së Paraburgimit në Gjilan nga avokati Ymer Huruglica, i cili sipas tyre kishte tentuar ta fuste një telefon në qendër. Por kjo gjë demantohet nga vetë Huruglica, i cili ka dokumentuar se numri në telefonin që kishte harruar në çantën e tij, nuk ishte aktiv me muaj, shkruan Gazeta Sinjali.

Sinjali ka siguruar konfirmimin nga IPKO, që i është dërguar avokatit Huruglica, ku thuhet se numri i sekuestruar nga oficerët korrektues nuk është aktiv nga 11 maji i këtij viti.

Dokumenti i siguruar nga Sinjali

Ky dokument dhe dëshmia e avokatit Huruglica provojnë se dyshimet e SHKK-së për kontrabandë në rastin konkret janë të ekzagjeruara.

Sinjali sot ka kontaktuar edhe me disa kolegë të Huruglicës, për të marrë opinionin e tyre, nëse dyshimi i Shërbimit Korrektues mund të jetë i vërtetë, por të cilët kanë mohuar kategorikisht se një veprim i tillë mund të tentohen nga avokati Huruglica, duke shprehur vlerësimin më të lartë për vlerat e tij profesionale dhe etike, si dhe duke e konsideruar si njërin nga avokatët shembull në Odën e Avokatëve të Kosovës.

/GazetaSinjali/


Shpërndaje artikullin