image Delta-s nuk iu ndal turri/ Tetë të vdekur në Pejë gjatë 24 orëve të fundit, vazhdon gjendja e rëndë

Shëndetësi

Delta-s nuk iu ndal turri/ Tetë të vdekur në Pejë gjatë 24 orëve të fundit, vazhdon gjendja e rëndë

news image

Tetë qytetarë të Komunës së Pejës kanë humbur jetën nga COVID-19 në 24 orët e fundit.

Gjendje të rëndë e ka konsideruar Muhamet Haliti nga Spitali i Pejës.

“Gjendja në Komunën e Pejës vazhdon të jetë e rëndë, për shkak të numrit të madh të pacientëve që janë të hospitalizuar dhe kërkojnë ndihmë mjekësore. Aktualisht në spitalin e Pejës janë 210 pacientë të shtrirë, prej tyre 170 janë në oksigjenoterapi ndërsa tetë janë në CPAP terapi”, thotë Halitaj.

Halitaj, theksoi se aktualisht nuk kanë problem me mungesë të barnave esenciale.

“Shumica e terapisë për pacientët ka qenë e siguruar”, tha ai për RTK-në.

Ndërkohë, Halitaj pranon se për shkak të numrit të madh të interesuarve për vaksinim, nuk po respektohen masat e mbrojtjes nga COVID-19 në qendrën e vaksinimit në këtë komunë.

“Ditët e fundit numri i personave që janë për vaksinim është i madh dhe radhët janë të gjata. Masat nuk respektohen në këto radhë. Deri në 1200 pacientë në ditë vaksinohen dhe distanca nuk respektohet shumë’, shtoi ai.

/GazetaSinjali/