Raporti i Departamentit Amerikan të Shtetit (DASH) thotë se Kosova dhe Serbia duhet të avancojnë drejt një marrëveshjeje të qëndrueshme dhe të pranueshme për të dyja palët, në kuadër të procesit të normalizimit të marrëdhënieve.
Në dokumentin e ri, Ballkani Perëndimor paraqitet si rajon me rëndësi të drejtpërdrejtë për sigurinë dhe interesat ekonomike amerikane.
Sipas tij, stabiliteti i rajonit dhe avancimi i interesave ekonomike amerikane në të e bëjnë SHBA-në “më të sigurt, më të fortë dhe më të begatë”.
Sa i përket sigurisë, Uashingtoni thotë se “trupat amerikane vazhdojnë të marrin pjesë në KFOR, të cilin e cilëson si komponent kyç për garantimin e një mjedisi të sigurt dhe lirisë së lëvizjes në Kosovë”.
Dokumenti po ashtu përmend mbështetjen për transformimin e Forcës së Sigurisë së Kosovës në një forcë profesionale të mbrojtjes territoriale, si dhe modernizimin e termocentraleve me qymyr dhe projektet e gazifikimit të qymyrit në Kosovë, si pjesë të prioriteteve energjetike në rajon.
Sinjali – aty ku e vërteta flet para lajmit!
