Menaxheri i Tottenham Hotspur, Antonio Conte ka theksuar se do të shikojë ndeshjen e rivalëve të tyre për top-katërshe, Arsenalit me Newcastle United të hënën, pasi i pëlqen të ‘vuajë’.
Skuadra e tij Spurs mundi Burnely 1-0 të dielën për të kaluar përkohësisht dy pikë përpara Arsenalit në vendin e katërt, megjithëse skuadra e Mikel Artetës do të rimarrë vendin e fundit në Champions League me një fitore në St. James’ Park.
I pyetur nëse do ta shikonte ndeshjen në Anglinë verilindore, ish-trajneri i Italisë tha: “Me siguri do ta shikoj ndeshjen sepse e dua futbollin dhe dua të shikoj dhe gjithashtu dua të vuaj.
“Por unë mendoj se është një arritje e madhe për ndeshjen e fundit që të kemi mundësinë për të marrë një vend në Champions League sepse nuk e harroj rrugën tonë që nga nëntori dhe do të shohim se çfarë do të ndodhë.
“Unë gjithashtu mendoj se Arsenali bëri një punë vërtet të mirë këtë sezon, sepse ata nuk luajtën në Evropë dhe tani ata kanë një shans për të luajtur në Ligën e Kampionëve”, u shpreh italiani.
Spurs ishin në pozitën e tetë kur Conte mori drejtimin e trajnerit në nëntor, por italiani i ka udhëhequr ata në vendin e katërt dhe ka siguruar fitore ndaj Manchester Cityt dhe Arsenalit, ndërsa skuadra e tij gjithashtu barazoi 1-1 në Anfield kundër Liverpool.
