Nënkryetarja e PDK-së, Vlora Çitaku, ka komentuar deklarimin e presidentit të Francës, Emmanuel Macron, që tha se do të ketë pasoja për Kosovën dhe Serbinë nësë nuk sillen me përgjegjësi.
Çitaku ka thënë se këto deklarime duhet të merren seriozisht nga Qeveria e Kosovës.
Sipas saj, këto deklaratë rikonfirmojnë qëndrimin e BE-së që koha e fjalëve dhe këshillave tashmë ka kaluar.
“Pas masave konkrete të BE-së kundër Kosovës, pas zhvillimeve të fundit politike në vend, rishikimi i liberalizimit të vizave për qytetarët do tanë do të ishte tejet dëshpërues.” – ka shkruar ajo.
Postimi i plotë:
Deklarata e Presidentit Macron për rishikim të politikave të vizave për Kosovën dhe Serbinë, nëse palët nuk sillen me përgjegjësi, duhet të merret seriozisht nga Qeveria.
Kjo deklaratë rikonfirmon qëndrimin e BE-së, se koha e fjalëve dhe këshillave tashmë ka kaluar.
Pas masave konkrete të BE-së kundër Kosovës, pas zhvillimeve të fundit politike në vend, rishikimi i liberalizimit të vizave për qytetarët do tanë do të ishte tejet dëshpërues.
Prandaj, përtej kritikës dhe politikës ditore, kjo është një këshillë për Qeverinë. Askush nuk po iu kërkon të veproni kundër interesit të shtetit dhe qytetarëve tanë.
Përkundrazi, kuptojeni drejtë paralajmërimin e Presidentit Macron, veproni me përgjegjësi dhe mos ua cenoni lirinë e lëvizjes qytetarëve të Kosovës – të merituar dhe të pritur prej shumë vitesh!
