Nënkryetarja e Partisë Demokratike të Kosovës, Vlora Çitaku, ka reaguar përmes një postimi duke e kritikuar ashpër ministrin e Shëndetësisë Arben Vitia dhe qeverinë Kurti për ikjen nga përgjegjësia për tu marrë me rritjen alarmante të rasteve me Covid-19.

Çitaku, përmes një postimi në Facebook, ka thënë se ministri i Shëndetësisë po ik nga përgjegjësia për të garuar në zgjedhje lokale dhe se Kosova ka shkallën më të lartë të infektimeve, dhe shkallën më të ultë të vaksinimit në Evropë.

“Ministri i Shëndetësisë, në vend se të dorëzohet para gjendjes alarmante dhe t’i lë të vetmuar punëtorët shëndetësorë dhe qytetarët për të garuar në zgjedhje lokale, duhet urgjentisht ta decentralizojë dhe thjeshtëzojë procesin e vaksinimit duke ofruar shërbime edhe në qendrat e mjekësisë familjare, si dhe nëpër qendra mobile”, ka shkruar ajo.

Postimi i plotë i Vlora Çitakut:

“Mbi 1300 raste të reja sot me COVID.

Për kokë banori, Kosova ka shkallën më të lartë të infektimeve, dhe shkallën më të ultë të vaksinimit në Evropë.

Ministri i Shëndetësisë, në vend se të dorëzohet para gjendjes alarmante dhe t’i lë të vetmuar punëtorët shëndetësorë dhe qytetarët për të garuar në zgjedhje lokale, duhet urgjentisht ta decentralizojë dhe thjeshtëzojë procesin e vaksinimit duke ofruar shërbime edhe në qendrat e mjekësisë familjare, si dhe nëpër qendra mobile.

Asgjë nuk është më i rëndësishëm se shëndeti publik. Kjo lloj apatie nga ana e institucioneve është e papranueshme”, ka shkruar Çitaku. /GazetaSinjali/