Chelsea po vazhon përpjekjet për të përforcuar vijën e mbrojtjes.
Me largimet e Andreas Christensen dhe Antonio Rudiger, blutë po kërkojnë së paku dy qendërmbrojtës të ri në këtë merkato verore.
Londinezët tashmë kanë siguruar shërbimet e mbrojtësit senegalez, Kalidou Koulibaly nga Napoli, teksa po vazhdon kërkimet për një tjetër emër.
Së fundi, Chelsea ka hyrë seriozisht në garë për shërbime e mbrojtësit të talentuar francez, Wesley Fofana.
Siç ka raportuar Fabrizio Romano, blutë në fakt kanë bërë një ofertë prej 70 milionë funtesh në drejtim të Leicester Cityt për Fofanan, por oferta është refuzuar.
Ndërkohë The Guardian tani raporton se Chelsea është i gatshëm të shkojë në 85 milionë funte (afro 100 milionë euro) për Fofanën dhe besojnë se kjo do të mjaftonte për ta marrë atë.
Chelsea are willing to go to £85m for Fofana and believe that would be enough to get him. Would take their spending over £200m and could be more beyond that (FDJ, Casadei, Auba targeted). So are they going to be able to make anything back on sales? #cfc
— Jacob Steinberg (@JacobSteinberg) August 6, 2022
Chelsea gjithashtu është shumë e interesuar edhe për shërbimet e mesfushorit holandez, Frenkie De Jong, si dhe për një sulmues qëndror, me Timo Werner i cili mund të largohet këtë verë.
