Simptomat e para të herpesit mund të përfshijnë dhimbje rreth gojës dhe buzëve, dhimbje të fytit, gjëndra të fryra në qafë ose pjesë tjetër të trupit.

Pasi të shfaqet, mund të jetë shumë e dhimbshme, dhe mund të zgjasë nga disa ditë deri në dy javë.

Agjenti shkaktar i herpesit është një nga dy llojet e virusit herpes simplex, i cili zakonisht hyn në trup përmes një çarje në lëkurën rreth ose brenda gojës.

“Te njerëzit me herpes, mundësia e shfaqjes në dimër përshpejtohet nga stresi, privimi i gjumit dhe një sistem imunitar i dobësuar”, thotë Laura Knobel, Ph.D.

Si ta parandaloni?

Rekomandohet përdorimi i balsamit të buzëve, sidomos gjatë dimrit, pasi gjatë këtij sezoni, -rrezet UV stimulojnë aktivizimin e virusit.

Shmangni përdorimin e takëmeve të përdorura nga një person me herpes. Për të shmangur transmetimin e herpesit në pjesë të tjera të trupit, mos prekni plagën dhe mbani një vëmendje në larjen e shpeshtë të duarve.

Gjithashtu, mos e aplikoni kremin parandalues në zonën e prekur me gisht, por me një pambuk për pastrimin e veshit.

Kërkoni nga mjeku juaj një ilaç antiviral që bllokon shpërthimin e herpesit pas shfaqjes së simptomave të para.

Trajtime të tilla si kremra ose pilula të përshkruara mund të shpejtojnë shërimin e herpesit, zvogëlojnë dhimbjen ose lehtësojnë simptomat e tjera të pakëndshme, thonë mjekët. Pasi të jetë shëruar plaga e herpesit, rekomandohet ta pastroni vendin me një furçë të re dhëmbësh./Gazeta Sinjali/