Në Klinikën Infektive në QKUK tani janë të shtrirë 11 persona të infektuar me koronavirus, dy prej tyre ishin çifti i ardhur sot nga Londra.

Infektologu, Salih Ahmeti bëri të ditur se çifti është lëshuar për vetizolim në shtëpi, pasi sipas tij, gjendja e tyre është e mirë.

Ndërsa, infektolgu, Valbon Krasniqi tha se brenda dy ditëve shumicën prej pacientëve do t’i lëshojnë në shtëpi.

Prandaj, sipas Krasniqit nuk duhet të shkaktohet panik dhe gjitha këto masa po merren pasi virusi është i ri dhe nuk dimë shumë për këtë virus.

Deri tani në Kosovë janë shënuar 15 raste me koronavirus./Gazeta Sinjali/