Hulumtimi i ri kërkon të shpjegojë ndikimin e stresit në sëmundjet e zemrës dhe goditjen në tru, si dy nga shkaqet kryesore të vdekjes.

Përveç stresit, faktorët e rrezikut për sëmundjet e zemrës dhe goditjen në zemër janë pirja e duhanit, presioni i lartë i gjakut dhe diabeti.

Studiuesit u përpoqën të krijojnë një lidhje midis stresit dhe zemrës duke zgjedhur rastësisht 300 persona dhe duke monitoruar gjendjen e tyre për 4 vjet. Gjatë kësaj periudhe të diagnostikimit të sulmit në zemër, anginës (dhimbje në gjoks), dështim të zemrës, goditje në tru dhe sëmundje të arteries periferike (qarkullim i dobët) u gjetën në 22 persona.

Skanimi i kokës dhe trupit të këtyre individëve zbuloi një nivel të rritur të aktivitetit në amigdala (rajone të vogla të trurit të lidhura ngushtë me stresin).

Njerëzit me nivele më të ulët të amigdalës ishin në rrezik më të ulët të sëmundjeve kardiovaskulare.

Rezultatet treguan se stresi mund të çojë në sëmundje kardiovaskulare, dhe se stresi kronik mund të trajtohet si një faktor i rëndësishëm rreziku.

Studimi thotë se reagimi më i rëndësishëm ndaj stresit është që të mos shqetësoheni për gjëra të vogla.

Meditimi mund të ndihmojë shumë në uljen e rrezikut të sëmundjeve kardiovaskulare. Gjithashtu, ndërgjegjësimi më i mirë te njerëzit për efektet e dëmshme të stresit mund të ndihmojë në uljen e intensitetit të reagimeve.

Aktiviteti fizik i moderuar dhe pushimi i rregullt ditor, javor ose vjetor, si dhe gjumi i mjaftueshëm gjatë ditës, janë parakushte për menaxhimin e stresit dhe shëndet më të mirë./Gazeta Sinjali/